Postias de cine
El ciclu “De Castilletes y carbón” de la Fundación Nuberu arranca n´ochobre con un ciclu de películes
El Cine Felgueroso de Sama y el Centru de Referencia de la Cultura y la Llingua Asturiana Casa los Alberti de Ciañu acueyen la quinta edición de les xornaes culturales De castilletes y carbón qu’organicen la Fundación Nuberu y l’Ayuntamientu de Llangréu. Llégase esti añu a la quinta edición d’una actividá de dinamización cultural qu’estes dos entidaes ponen en marcha como consecuencia del conveniu de colaboración firmáu ente elles y que xiren alredor de les interrellaciones ente cine, mina, música, lliteratura, economía, gastronomía… Un averamientu ya intentu d’interpretación de la mina y tolo que la arrodia al traviés del cine y tamién de ponencies que traten esti tema dende diferentes ámbitos d’estudiu y perspectives.
Les xornaes De castilletes y carbón articúlense nun ciclu de películes, “Baxando pa la galería”, que va echase los miércoles del mes d’ochobre nel Cine Felgueroso de Sama; una serie de ponencies qu’analicen el mundu la minería, Los xueves de castilletes y carbón, que van ponese nel mes de payares na Casa los Alberti; y, como remate, un conciertu del grupu Nuberu’l día Santa Bárbara.
Les películes del ciclu “Baxando pa galería” serán “Bernabé” el 1 d´ochobre a les 20 hores, el 8 de ochobre verase “Odio en las entrañas”, el día 15 “Qué verde era mi valle”, el 22 d´ochobre “Resistencia minera” y el 1 de payares “Pídele cuentas al rey”.