‘Educación pa la Igualdá’ en Llaviana

Baxo’l el lema «Coeducando de casa al cole y tiro porque me toca», la Casa la Cultura de Pola de Llaviana y el CIDAN acoyeron, a mediaos de marzu, les «Xornaes d’Educación pa la Igualdá» dirixíes a families, profesoráu y personal técnicu rellacionáu cola educación. Les xornaes tuvieron como oxetivu «plantegar un espaciu compartíu de deprendimientu, reflexón y alderique pa la escuela y les families sobre la importancia d’educar en y pa la igualdá y que dambes vengan de la mano».

Les xornaes punxéronse en marcha’l 21 de marzu con dos ponencies que llevaron por títulu: «Educando n’igualdá dende la familia», que lleó María Fernández Campomanes y «Educar n’igualdá dende la escuela» que punxo Marian Moreno Llaneza.

Na xornada del 22 de marzu ficiéronse tres talleres simultáneos dedicaos a la educación de neños y neñes de 3 a 6 años; de 6 a 12 años y la educación pa l’adolescencia, que dieron Begoña Álvarez Moratinos, María Fernández Campomanes y Marian Moreno Llaneza.