El Seya y el Nalón xuniéronse en Blimea

Charla qu´ufiertó Tito Manzano na Casona del Bravial con motivu de los actos d´hermanamientu de los rios Seya y Nalón.

La Casona del Bravial acoyó una charra de Titu Manzano, presidente de l’asociación Amigos de Parres

La Casona del Bravial de Blimea recibió n´ochobre la visita de  Titu LManzano, presidente de l’asociación Amigos de Parres, qu’ufiertó una charra na que trató cuestiones rellacionaes col hermanamientu de los ríos Seya y Nalón, la cultura, el deporte y l’asociacionismu. A lo llargo de la so intervención fizo un repasu n’imáxenes de la historia del Descensu, y tamién referencia a otres actividaes llevaes a cabu nel pasáu ente los conceyos de Parres y Samartín del Rei Aurelio.

Esta charra tuvo enmarcada dientro de los actos d’hermanamientu de los ríos Seya y Nalón que se vienen desendolcando dende’l pasáu mes de xunetu, y que se concretó’l pasáu 3 d’agostu col vertíu simbólicu de les agües del Nalón nel Seya nun actu que se celebró nel conceyu de Parres con representación municipal de Samartín.

L’encargáu d’abrir esta presentación foi l’alcalde de Samartín del Rei Aurelio, Enrique Fernández Rodríguez, que destacó la figura de Titu Manzano como dinamizador cultural y agradeció’l so importante llabor a la hora d’estrechar llazos ente los conceyos de Parres y Samartín. Per otru llau, al terminu del actu clausuróse la esposición de semeyes sobre’l Descensu Internacional del Seya, que se pudo visitar na Casona del Bravial durante les últimes selmanes.