Semifinal de Sácame pola pinta, edición quinta del concursu rexonal d’imitadores d’artistes asturianos
Hoy vienres, 7 de mayu, a les 19.30 hores, va celebrase la semifinal de la edición quinta de Sácame pola pinta nel salón d’actos de la Casa Cultura de Sama. De tolos inscritos nel procesu de casting son 16 los participantes que llograron pasar a esta fase.
La gala va conducila’l presentador y cantante Fernando Valle Roso y va cuntar cola presencia de la intérprete Lucía Alonso. Na actuación los y les semifinalistes, acompaños d’un músicu, van tener qu’imitar a los artistas asturianos pa los que fueron escoyíos. La entrada ye de baldre hasta completar aforu.
A partir del sábadu 8 mayu van conocese los nomes de los 12 finalistes, que van ensayar les selmanes vinientes con un equipu de profesionales de cara a actuar na gran gala final que va tener llugar el domingu 30 nel Nuevu Teatru La Felguera y que también va echase per streaming. El xuráu d’esta gala final fórmenlu la presentadora Arantxa Nieto, el polifacéticu David Varela, l’actriz María Cotillo y l’humorista Joaquín Pajarón, tamién el públicu, de forma presencial y online, va tener opción de votar al so finalista favoritu. Les entraes pa la final van tar disponibles na web www.sacamepolapinta.com.
El formatu, patrocináu pol Ayuntamientu de Llangréu, reparte más de 1.000 euros en premios y munchos regalos pa toles y tolos finalistes.