Pablo X. Manzano. Maestru, escritor y académicu de la Llingua.

Otra vuelta cola   U.A.B.R.A

            Como tolos años per estes feches, tócame escribir de la Universidá Asturianu de Branu, que se va cellebrar en Cangas del Narcea dende’l tres hasta’l 14 d’agostu. Ye ésta una iniciativa de L’ Academia de la Llingua Asturiana, la Universidá d’Uviéu y el Conceyu de Cangas del Narcea.

 

Esti añu, amás de los cursos qu’habitualmente hai: Cursu elemental de Llingua Asturiana, Cursu avanzáu de Llingua Asturiana y Cursu de Gallegu-Asturianu, pa los profesores de la fastera Navia-Eo, hai otros cuatro cursos, que son novedá y que tán empobinaos pa la xente universitaria especialista o espertu n’Asturianu:

 

–   Capacitación pa la traducción al asturianu, destinaú a persones con un bon dominiu llingüísticu de la Llingua ya interesaos en conocer les téuniques y recursos básicos de la traducción de testos.

 

– Más presees d’aplicación escolar na rede, destináu a persones interesaes en conocer nuesvos recursos n’asturianu d’Internet, a saber utilizalos y aplicalos al ámbitu escolar.

 

 –   Xestión cultural n’Asturies: creando cultura a traviés de los medios,

destináu a persones interesaes en conocer los principios básicos que rixen los programes de xestión y animacón socio-cultural n’asturianu.

 

          –    Averamientu al cine asturianu,destinaú a persones que quieran averase al

mundu del cine n’asturianu a traviés d’un recorríu peles películes y los cur-

tiometraxes fechos en Llingua Asturianu.

 

Amás de los cursos, hai una riestra conferencies y conciertos ufiertaos non solamente a los qu’asisten a los cursos, sinón tamién al pueblu de Cangas que tenga interés n’estos temes. Son :

 

– “Reforma Constitucional o procesu constituyente”, por Miguel Angel Presno Linera.

–  “Terapies oncolóxiques. Últimes investigaciones”, por Xosé Antón Suárez Puente.

–  “Les nueves téuniques d’investigación arqueolóxica”, por Margarita Fernández Mier.

 

Los conciertos ufiertaos van tar a cargu d’Alienda Folk y La Tarrancha.