Naia García gana la quinta edición de Sácame Pola Pinta imitando a Alexandra In Grey

La concursante de 9 años de Mieres llevó’l galardón nuna Gala Final na que participaron 12 finalistes d’ente 7 y 16 años.

Naia García (en el centro) ganadora de la V Edición de Sácame Pola Pinta.

Yá hai ganadora pal V Sácame Pola Pinta, el concursu d’imitación pa menores de 18 años qu’entama añalmente la empresa cultural A Mansalva en collaboración col Ayuntamientu de Llangréu. Esti añu’l premiu foi pa Naia García, neña de Mieres de 9 años d’edá que cola so imitación d’Alexandra in Grey na Gala Final cellebrada’l domingu 30 de mayu, convenció al xuráu y quedó per delantre los otros 11 finalistes.

La conceyala de Cultura de Llangréu, Pamela Álvarez, y el responsable d’A Mansalva, Pablo Carrera, entregaron esta mañana a Naia García’l premiu nel Salón de Plenos del Ayuntamientu de Llangréu. Ésti inclúi dellos regalos valoraos en 600 € y la grabación d’un discu promocional de 4 canciones del repertoriu del artista imitáu nel concursu. Per parte del Ayuntamientu valoraron mui positivamente l’actividá y indicaron que taben mui contentos col resultáu.

12 finalistes participaron ayeri na Gala Final cellebrada nel Nuevu Teatru de La Felguera. L’éxitu del eventu foi total, con toles entraes escosaes y con un siguimientu de la retresmisión per streaming de más 5.000 persones. La incorporación del xuráu popular -una de les novedaes de la edición d’esti añu- dio como resultáu 5.300 votos de la xente que siguió’l concursu dende les sos cases a traviés de la emisión online.
Más información

Deja un comentario

Tu dirección de correo electrónico no será publicada. Los campos obligatorios están marcados con *