El Conceyu de Llaviana presenta «El mio villancicu», una canción navidiega

El Conceyu de Llavianaentama unes xornaes de creación pa componer la so canción navidiega, «El mio villancicu».

Inés García Vega,Vicealcaldesa y Conceyala de Cultura del Conceyu de Llaviana; Enol Puente del Serviciu de Normalización Llingüística de Llaviana; Pablo Carrera director de la compaña A Mansalva, y l’escritor y compositor de canciones Alfredo González presentaron esta mañana esti proyectu nel que convoquen a la ciudadanía llavianesa a participar nunes xornaes de creación a puertes abiertes que van facese nel CIDAN (Centru d’Innovación y Desendolcu del Altu Nalón) el martes día 10, miércoles día 11 y martes día 17 d’avientu, col oxetivu de crear una canción navidiega única del conceyu.

Inés García Vega, Vicealcaldesa y Conceyala de Cultura del Conceyu de Llaviana; Alberto García, Concejal de Mocedá de Llaviana, Enol Puente del Serviciu de Normalización Llingüística de Llaviana; Pablo Carrera director de la compaña A Mansalva, y l’escritor y compositor de canciones Alfredo González na presentación del proyectu.

La Conceyalía de Cultura, convida a participar nestes xornaes a tolos habitantes y entidaes estreames de Llaviana, independientemente de los sos conocimientos lliterarios y musicales. Va ser l’escritor y compositor Alfredo González, quien coordine y recueya toles idees, recursos, refranes, pallabres o nomes particulares del conceyu que los vecinos puedan aportar. Pa ello, Alfredo va contar cola ayuda d’escritores y compositores llavianeses reconocíos como Tante Blanco. Unes xornaes nes que los asistentes van poder ver en primer persona’l procesu de creación d’una canción.

“El mío villancico”, la idea orixinal aportada por AULAV y desendolcada por Grupo A Mansalva, va grabase depués nun estudiu profesional por músicos y vocalistes llavianeses, cola idea d’estrenalu na web de la Casa Conceyu, redes sociales y plataformes dixitales la selmana de Navidá.

Llaviana destaca d’esta manera la importancia del talentu llocal pente un proyectu pioneru que potencia la escritura y la música, dos de los artes con mayor impactu nes persones, siendo las canciones lo último qu’un ser humanu escaez.

De tola producción y promoción va ocupase  A Mansalva, la compaña dirixida pol llavianés Pablo Carrera.